Gikan sa Wikipedia, ang gawasnong ensiklopedya

Ang Metropolitan nga Sugbo o simpleng Metro Cebu mao ang urbanong sentro sa pulo-lalawigan sa Sugbo. Ang Dakbayan sa Sugbo mao ang sentro, ang nahiunang lungsod sa Pilipinas nga gipundar sa mga Katsila. Ang Metro Cebu nahimutang sa tunga-tungang bahin sa sidlakang baybayon sa pulo sa Sugbo apil ang pulo sa Mactan. Ang metropolitanong lugar mikabat og 20% sa arya ug 57.5% sa populasyon (2000 census) sa kinatibuk-ang lalawigan sa Sugbo.

Ang Metro Cebu usa sa duha nga metropolitanong lugar sa Pilipinas, ang Metro Manila mao ang usa pa. Puyde maingon ang Metro Cebu isip kapital ug nangunang urbanisadong lugar sa Kabisay-an ug Mindanao.