Gikan sa Wikipedia, ang gawasnong ensiklopedya

Ang Lungsod sa Nasipit (Filipino: Bayan ng Nasipit; English: Municipality of Nasipit) usa ka ikatulo nga klase nga lungsod sa probinsiya sa Agusan del Norte, nasud Pilipinas. Ang lungsod mao ang adunay pinaka halapad nga dunggoanan sa mga barko sa probinsiya pinaagi sa Nasipit International Seaport. Sumala sa 2000 census, aduna kini popolasyon nga 35,817 katawhan sa 7,010 kabalayan.

[usba] Kasaysayan

Ang nahitala nga kasaysayan sa Nasipit nahimantala niadtong 1880 sa dihang gideklara kini nga pueblo kon karon barangay sa mga Espanyol nga mananakop. Sumala sa mga nitibo nga taga Nasipit, ang pangalan sa lungsod nakuha matod pa sa insidente nga nahitabo niadto sa usa ka nitibo nga napaakan sa usa ka kagang (crab) ug gipangutana sa dumadayo nga unsay pangalan sa lugar. Tungod kay wala man hisabti sa nitibo ang pangutana nakatubag kini ug "na-si-pit" buot pasabot gipaak sa kagang (crab). Hangtud sa kadugayan, ang lungsod nailhan sa pangalan nga "Nasipit".

Ang Nasipit opisyal nga gibahin sa Lungsod sa Butuan niadtong Agosto 1, 1929. Nahimo kining lungsod pinasikad sa Executive Order Numero 181 nga gi-issue ni Gobernador Heneral Eugene Gilmore sa U.S. Army. Adunay sugyot nga bag-uhon ang pangalan sa Nasipit ngadto sa Aurora nga gipangunahan ni kanhi Gobernador Teofisto Guingona Sr. pero wala kini mahinayon tungod sa pagsupak sa mga lungsuranon, nagpabilin nga Nasipit ang lungsod hantod karon.

[usba] Kabarangayan

Ang Nasipit nabahin politikal sa disinuebe (19) ka kabarangayan. 7 ang urban ug 12 ang rural. Adunay 9 ka coastal barangay kon duol sa kadagatan o kabaybayunan nga mao ang: Barangay Cubi-Cubi, Ata-Atahon, Punta, Brgy. 1 Apagan (Pob.), Talisay (ang pantalan nahimutang), Sta. Ana, Camagong, Amontay and Aclan.

[usba] Mga sumpay sa gawas

• Philippine Standard Geographic Code
• 2000 Philippine Census Information

Kini nga artikulo usa ka saha. Makatabang ka sa Wikipedya pinaagi sa pagpuno niini.