Gikan sa Wikipedia, ang gawasnong ensiklopedya

   

Si Richel Dorotan nakuhaan og hulagway niadtong ika-14 nga kombensiyon sa BATHALAD-Sugbo niadtong Septiyembre 30, 2006.

Si Richel G. Dorotan (nailhan usab sa dagangalang Omar Khalid) usa sa mga bag-ong tingog sa kapanulatang Binisayang Sinugboanon.

[usba] Pagtuon

Nakatapos siya sa primarya sa Layog Elementary School. Ang elementarya niya didto niya makuha sa Pining Paglingap School--usa ka tulunghaan nga naa sa tunga sa lasang. Sa 1991, natapos niya ang kursong sekundarya sa Tabango Barangay High School (karon Tabango National High School na). Siyam ka tuig human niadto (2000), natapos niya ang Bachelor in Elementary Education sa bugoy-bugoy nga paagi. Ang Cebu Roosevelt Memorial Colleges ang nahimo niyang alma mater. Gihigugma niya ning eskuylahana ug gikalagotan sa samang higayon.

[usba] Sayong karera

Si Dorotan nagsugod sa panulat isip editor sa mga balita sa usa ka gamayng estasyon sa radyo sa Bogo, Sugbo sulod sa pito ka tuig.

Sa tuig 1999 napatik ang una niyang sugilanon. Sugod sa tuig 2001, nahimo siyang sakop sa kapangulohan sa Bisaya Magasin hangtod karon.

Siya say editor sa Budaya, usa ka katitikanong dyurnal. Ang una niyang punpon sa mga sugilanon mabasa sa librong Khaliedoskopyo.

Presidente siya sa Dagang Foundation, Inc.-Luzon Chapter, usa ka organisasyon sa mga magsusulat. Usa usab siya sa mga sakop sa Lunsayng Bisaya, Inc.

[usba] Pamilya

Si Dorotan may duha ka anak babaye (Yenyen ug Shaay) sa iyang asawa nga si Lorena.

[usba] Mga pasidungog

[usba] Unang ganti

• Rebolusyon sa mga Mata ug Tiil, sugilanon, BATHALAD Sugbo 2004
• Ang Dahon sa Kahoy, sugilanon, BATHALAD-Mindanao 2006;
• Gapasan: Prosang Itom sa Nawalang Kasaysayan, balak, Gov. Gwen Garcia Literary Awards 2005 - Sun*Star SuperBalita
• Panamilit sa Kagab-ihon, Sugilanon, Komisyon sa Pinulongang Pilipino, Gawad Komisyon 2006
• Madyong, Sugilanon, BATHALAD-Mindanao 2007

[usba] Ikaduhang ganti

• May Kahayag ang Kandela sa Kaadlawon, sugilanon, BATHALAD-Sugbo2004
• Ang Tawo mga Nangita sa Kasingkasing sa Habagat, sugilanon, BATHALAD-Mindanao 2003
• Dayaspora, sugilanon, Don Carlos Palanca Memorial Awards for Literature, 2006
• Solilokiya: Pagdagan Panahon Sa Ting-ulan, balak, Gov. Gwen Gwen Garcia Literary Awards, 2004
• Dyakstaposasyon, balak, Gov. Gwen Garcia Literary Awards, 2005 - Sun*star Superbalita
• Walo Ka Estrok sa Kamingaw, usa ka koleksiyon sa mga balak (BATHALAD-Sugbo, 2006)
• Mga Kalibotan sa Kilumkilom, nobela (BATHALAD-Sugbo, 2006)
• Mga Personalidad Luyo Sa Lamesa: Email Alang Kang Miss X, sugilanon (BATHALAD-Mindanao, 2007)

[usba] Ikatulong ganti

• Sa Pagpamauli sa mga Salampati, sugilanon, BATHALAD-Mindanao, 2003
• Ang Pusil-Pusil Ni Dodoy, sugilanon, Gov. Gwen Garcia Literary Awards, 2005 - Sun*Star SuperBalita
• kAtArSiS, balak, BATHALAD-Mindanao, 2006
• L, gumalaysay, BATHALAD-Mindanao, 2006
• Sa Tighapon Nga Misubang Ang Bag-ong Adlaw, sugilanon, BATHALAD-Mindanao, 2007

[usba] Unang pinasidunggan

• Unang Bunga Sa Lubi, sugilanon, BATHALAD-Mindanao, 2007
• Pagsigaw Sa Pampang Ng Ilog, balak, Gawad Surian Sa Tula-Gantimpalang Collantes, 2008

[usba] Ikaduhang pinasidunggan

• Kon Maharag ang Taknaang Tore sa Manila City Hall, balak, Gov. Gwen Garcia Literary Awards, 2005 - Sun*Star SuperBalita
• Oblasyon: Ritwal Ni Itang, balak, Talaang Ginto Gawad Collantes 2007 sa Komisyon sa Wikang Filipino