Gikan sa Wikipedia, ang gawasnong ensiklopedya

Taiwan (opisyal: Republika sa Tsina) Inintsik tradisyonal: 中華民國; Inintsik nga sinimple: 中华民国; Hanyu Pinyin: Zhōnghuá Mínguó; Tongyong Pinyin: Jhonghuá Mínguó; Wade-Giles: Chung-hua Min-kuo) usa ka teritoryo sa Sidlakang Asya, amihanan sa Pilipinas. Usa kini sa mga nakadaog sa Ikaduhang Gerang Kalibotanhon ug founding member sa Hiniusang mga Nasod. Kaniadto, sakop niini ang tanang teritoryo sa Tsina sa wala pa mawad-an og kontrol ang Kuomintang (KMT) sa meynland ngadto sa Partido Komunista sa Tsina sa paghunong sa pag-away sa Civil War sa Tsina niadtong 1950. Paghuman niini, ang otoridad naa lang didto sa isla sa Taiwan ug sa mga silingang gagmay'ng isla, ang Pescadores, Kinmen, ug ang Islas Matsu. Ang iyang kapital gibalhin gikan Nanking ngadto sa Taipei. Ang Republika sa Tsina nailhan sa komun nga ngalang "Taiwan", ug ang Republikang Popular sa Tsina nailhan sa ngalang "Tsina". Tungod sa mga rason nga politikal, ang Taiwan gitawag nga "Taipeng Intsik" (o "Chinese Taipei" sa Iningles) sa mga organisayon nga internasyonal sama sa Duwang Olimpiks. Uban pang tawag sa Taiwan mao ang "Gawasnong Tsina" ("Free China") o "Nasyonalistang Tsina", mga terminong hinay-hinay nawala human sa Gerang Tugnaw o Cold War.

Kini nga artikulo bahin sa usa ka nasod usa ka saha. Makatabang ka sa Wikipedya pinaagi sa pagpuno niini.